tontokaletik

Lorategiak eta baratzak

Administrator — Wed, 07 May 2008 20:38:43 +0000

Herrian badugu, nire ustetan, aipamen berezi bat behar duen jarduera bat. Badira hainbat jardin edo lur sail herritarrek beraien borondatez txukun-txukun mantetzen dituztenak. Hainbat jardin, inongo profesionalak mantendutakoak baino txukunagoak daudenak. Herritarrak dira, eta ez udala kasu hauetan, landareak eta lorak landatzen dituztenak, ureztatzen dituztenak, lurrari ongarria bota eta zainketa guztiak egiten dituztenak. Badira hainbat adibide Larraitz auzoa aldean.

Badira ordea kontrako adibideak. Udalak jarritako jardin edo lorontziak eta erabat utzita daudenak. Inork zaintzen ez dituenak. Agian udalak, herritarren esku utzi behar lituzke lur sail hauen mantentzea. Txukunak geratzen bait dira herritarrak zaindutako jardinak.

Ekimen txukuna litzateke, nire ustetan, Franconiko alperrik galdutako lur sail eder horiek herritarren esku jartzea bertan baratzak jar ditzaten. Luxu bat bait da, Franconi eraikina ez ezik, lur sailak ere hutsik eta alferrik galduak ikustea.

Maitzaren 1a berdea

Administrator — Thu, 01 May 2008 19:27:11 +0000

Giro bikaina, eguraldiak lagunduta, gaur Larraitzen egon dena. Makina pertsona bildu gara bertan. Hainbat postu jarritza zeuden: taloak, gaztak, ehunak, liburuak, ukenduak, … denon gozamenerako. Musika ere ez zen falta eta nola ez markatuak izateko hainbat behi eta behor.

Egun honetan Aralarreko larreak berriro irekitzen dira hiru hilabetez itxita egon ostean. Behorrak, behiak eta ardiak dira larreetara igotzen direnak. Garai batean larreak urte osoan irekita egoten omen ziren baina 1990tik aurrera hiru hilabetez itxita egote komenigarria zela erabaki zen. Horregatik maiatzaren lehenengo honen ospakizuna.

Maitzaren lehena gorria, maiatzaren lehen berdea eta Madriletik datozen berriei begiratuz maitzaren lehena beltza. Euskaldunok ez dugu ezer onik jasoko inperioaren lurraldetik.

Artisautza azoka ekainaren 1ean

Administrator — Tue, 22 Apr 2008 19:59:03 +0000

Ekainaren 1ean, Alegian, artisautza azoka egingo da. Bertan, nahi duenak bere arte lanak erakusteko parada izango du. Ea beratartzen garenok esku-lan ugari eta kurioso ikusteko aukera izaten dugun.

Ez dakidana zera da, artisau-lana eta esku-lana gauza bera ote diren, hau da, artisau lana izateko derrigorrez esku-lana izan behar duen.

Nik egiten dudan lan gehiena hatz-lana da. Zin dagizuet hatzekin gauza asko egin daitezkeela eta nik baditudala bereziki trebeak diren hatzak.

Adibide gisa blog hauxe duzue, hatzekin egindakoa. Artisau lana ote?. Hatzak eskuetan egonik, ez ote da esku-lana blog bat egitea ?

Artisau azokan blog egileok (blogariok) lekurik izango ote dugu? edo hatz-lanen azoka berezi bat sortu behar dugu? Azken ideia hau, berritzailea ez ezik sugerentea ere irudikatzen zait. Hatz-lanak!!! mmm!

Bitarteon, neokideok, hona hemen herrian egiten diren hatz-lanen bildumatxo bat.

Goierriko gatza.

Administrator — Wed, 16 Apr 2008 19:59:40 +0000

Irudimenak ez omen du mugarik. Nabaria da. Baretutako otsoari (Beasaingoak bareak eta Ataungoak otsoak), egunkarietako edukiek, bere irudikoz aseptikoek, neuronarik motibatzen ez diotenez, ea zer otu zaion: Goierriko gatza sortzea.

Goierriko gatza Lardaxkan, Astigarretatik blogaren bidez ikus dezakegu.

Orain konturatzen nauk xa2er, zertan pasatzen deken denbora. Hi haiz hi!

Hemen doazkizue neokideok, Goierriko gatzaren lehen 3 azalak. Ea zer diozun.

txintxarriMEDIA sortu da

Administrator — Tue, 15 Apr 2008 19:16:32 +0000

Indarrean gaude, bai horixe! Txintxarrisfera aurrea doa eta azkena egindako ekarpena txintxarriMEDIA izan da.

TxintxarriMEDIA sare sozial bat da. Sare sozial bat grafo(en) bidez adieraz daiteke; bertan, irudian ikus daiteenen bezala, nodoek pertsonak adierazten dituzte eta nodoen arteko lerroek beraien arteko erlazioak.

TxintxarriMEDIA gauzatzeko, txarlik ning izeneko on-line plataforma erabili du. Sare sozialak sortzeko badira hainbat erraminta ezagun, besteak beste MySpace eta Facebook.

Gaur egun, txintxarriMEDIAn 18 txintxarri gaude (populazioaren %1a). Eta edozein erabiltzailek gehitu ditzake argazkiak, bideoak eta audioak. Agenda bat ere badu, ekitaldi eta hitz-orduak adierazteko. Gainera taldeak ere osa daitezke interes jakin batzuk gauzatzeko.

Esan beharrik ez dago edonork parte har dezakeela txintxarriMEDIA, bere erabiltzaile kontua bertan erregistartuz. Ea denon artean mediateka kurioso bat sortzeko gai garen.

Alegian wifi puntuak

Administrator — Sun, 13 Apr 2008 14:55:59 +0000

Badira hainbat udal, kale, parke, liburutegi, eraikin publiko eta abarretan wifi konexioak eskaintzen dituztenak herritarrek interneterako doako atzipena izateko, ordutegi jakin baten barruan.

Gustukoa nuke, Alegian Udalak jarritako wifi puntua(k) herritarron eskura izatea leku publikoetan; herriko plazan, txintxarri plazan, bulebarrean, ….

Azaroko azoka

Administrator — Sun, 30 Mar 2008 16:09:15 +0000

Pasa den Azaroan, Alegian azoka egin zen. Orduan berari buruz idatzi nuen posta. Oraingo honetan bideo batekin natorkizue. Bideoa editatzen denbora gehiago pasatzen dut eta horregatik apirilean jartzen dizuet bideoa.

Ea hurrengo batean herrian mondeju azoka eder bat egiten dugun.

Zorionak bikatu!

Administrator — Fri, 28 Mar 2008 21:26:43 +0000

Azkar igaro da urte bete. Gogoratzen ditut oraindik Imanol Derrytik bueltan etorritakoan Ixkinan berarekin hitz egindakoak. Baita ere Jonekin izandakoa. Agian tontokaletik blogak beraiei asko zor die. Lehen jarraitzaileak itzaletik atera zireneko garaia izan bait zen. Eta gainera 2.0 filosofiari eusteko grinarekin.

Eta beraiekin (zuekin Imanol eta Jon) ausarta izan nahi dut eta kalifikatu egin nahi dut zuen bloga. Hor doa: umoretsua, alaitsua, irreberentea, kritikoa (pentsamentu kritiko eskasian gauden garai hauetan), ez konstantea, maiztasunik gabekoa, unibertsala, …. hau da BIKATU.

Zorionak anaiok!

Gadgetak eta widgetak

Administrator — Sun, 16 Mar 2008 14:53:20 +0000

Nazkatu naiz neokideok, Franconiko barneratze aspergarriarekin. Beraiek ez dakite, baina bertan nire abatarea utzi dut eta ni, ni erreala noski, zuengana hurbildu naiz berriro. Hau askatasuna.

Bueno jolasteko garaia iritsi zaigunez, hemen utzi nahi dizkizute hainbat gadget beraieki jolasean denbora pizkat pasatzeko.

FACEinHOLE: zure aurpegiarekin (edo beste batenarekin) jolasean ibiltzeko.

Screedbot: idaz makina baten efektuarekin .gif animazioak sortzeko.

SignGenerator: imajinak sortzeko.

Aldaketa

Administrator — Tue, 11 Mar 2008 20:36:51 +0000

Garaia iritsi zait, aldaketarako garaia noski. Nire biziak beste norabide bat hartzeko unea dela sentitzen dut. Hau izango da nire azken posta; bai halaxe da. Ordenadorearen pantaila paperagatik eta teklatua tinta-lumagatik ordezkatzeko garaia. Alegiazko errealitate hutsal eta azaleko honek dagoeneko ez nau betetzen.

Non aurkituko ote du atsedena nire buru atsekabetu eta nahigabetu honek? Nire gogo eta asmoa, Franconin betrirako barneratzea da, bertan lekua aurkituko bai dut (eta ez gutxi). Bertan aurkituko bait dut, baita ere, behar dudan bake eta lasaitasuna. Beraz neokideok, hemen doakizue nire agurra. Handia bezain hutsala izan da zuekin izan dudan harremana. Beti arte neokideok.