tontokaletik

Aspaldi egin ez zen ekitaldia berreskuratu da aurten: bibalabirjen bandera. Gustura ibili zen jendea Oria ibaieko uretan. Portzierto zer zerrikeri da bi zubi azpietatik ateratzen dena? Ez al zuten bada, ur zikinak kanalizatzeko hodia jarri? hau nazka.

Eta zer diozue rexuk eta zabalak dantza egiteko estiloaz? bikaina ezta?

Euskal Herri osoa Zenarruzabeitiaren zerako zeraren inkognita argitu nahirik dabilen une hauetan, mantekilleriko Anttonitak gaiari jaramonik egin gabe festari hasiera eman dio; bera bilakatu da geure txupinera mirestua. Hau bai estiloa txupinazoa botatzen; ez dira asko izango horrelakoak.

Eta zuek ere momentu honetaz disfrutatu dezauen hone hemen irudiak:

Hemen duzue, baita ere, festen hasierako une batzuk.

Bibalabirjen! bai horixe. Asteazkenean, uztailaren 16an hasiko dira Alegiako festa alternatiboak. Ostiral gauerako rap eta hip-hop festa izango dugu bulebarrean.

Bertan izango dugu entzungai besteak besta Raperos de Emaus taldea. Hona bere abesti bat entzuteko parada.

Raperos de Emaus taldearen Errefuxiatu izeneko maketa jaisteko:

MAK (musika armatu komandoa) taldea entzuteko aukera izango dugu. Hona hemen Denok ala inor ez abestiaren klipa:

Azkenik, ostiralean izango dugun beste taldea puto punki izango da.

Herriko festak hastear dira. Aurten uztailaren 15etik 20ra izango dira eta festa alternatiboak uztailaren 16tik 20ra. Beti alderantziz izan da, baino aurten udalaren festak egun bat lehenago hasiko dira.

Asteartea 15 gaueko 24:00etan, gurekin izango da Ruper Ordorika herriko plazan.

Bada, aipatzeko modukoa den beste datu bat nire ustetan, eta zera da, osteguneko bersto saiorako zinea erabiliko dela. Nola demontre egon daiteke lokal hori batere erabili gabe urtean zehar? Zertarako ote dago herri erdi-erdian alferrik galtzen?

Pentsatu; eta bitartean entzun.

Bilbo eta Hossegor artean nabilen aste hauetan, lana eta aisia direla arrazoi, batik bat lehenengoarengatik, ezin izan dut etxean izaterik. Honi, Bilboren isolamendua gehituz gero, ni eta sareari dagokionez behintzat, ezin izan dut postarik idazteko paradarik izan. Gaur tarte ttiki bat lapurtu diot lanari.

Ekainaren 29an, ilunabarrean Bilboko kaleetan zehar nenbilen. Nire tontokaletik kanpo handia da benetan Bilbo. Kaleetan zehar nenbilela, Alemania-Espainia partida izango zela iluntzeko gaia nabaria zen. Taberna guztietan piztuta zegoen telebista.

Ni bitartean oinez nindoala, espainiar zaleak ez ziren txoko baten bila ari nintzen. Ia gehienei piper-potoaren usaina antzematen bai nien.

Horrela topatu nuen alde zaharreko Somera kaleko Bikondi taberna (horrela izena zuela usten dut); bertako ikonografiak Euskal Herriko erliebe mapa, Athletic-eko posterrak eta abar ikusirik liberatutako zona bat zela zirudien. Bertara sartu nintzen nire garagardoa eta tortilla pintxoa jatea. Telebista pizturik zegoen.

Torres-en gola, kasualitatea. Non hasten den taberna osoa GOOOOOOL oihuka, marruka, denak pozaren pozez. Ni akojonatuta. Non demontre sartu haiz txikito, galdetzen nion neure buruari. Hau lotsa.

Kamareroa niri, “bere” selekzioaren kutixiak kontatzen. Ni garagardoa ezin eztarritik pasaz. Garbi zegoen marea gorria taberna hartara iritsia zegoela, eta nire begiek ikusi zutenaren arabera ia Bilbo osora. Zenbat espainiar zale.

Seguru nago Bilbon badela bestelako txokorik, ez bai dut nahikoa ezagutzen herria. Agian bada Tontokalerik Bilbon, baina ez Alegian Somera kalerik.

Alegiako Mendi Asanbladak Uda honetako irteera prestatu du Uztailaren 5 eta 6rako. Helmuga Picos De Europa izango da.

Uztailaren 5ean.
- Goizeko 6:00etan atera (puntu-puntuan)
– Sotres-Invernales de Cabao (1.100 m.) [10:00etan)
- Collado de Pandébano (1.224 m.)
- Terenosa [Aterpea] (1.500 m.)
- Picu Urriellu [Aterpea] (2.100 m.)
- Bulnes – Poncebos
– Fuente De (Autobusez)
- Bertako aterpean afaldu eta lo (20 plaza; besteak kanpin dendetan).

Uztailak 6.
- Aterpean gozaldu
–Mirador - Telesferiko (1.800 m.)
- La Vueltona (2.100 m.)
- Horcados Rojos (2.200 m.)
- La Canalona (2.400 m.)
- Peña Vieja (2.613 m.)
– Potesen bazkaldu eta etxeruntz.

PREZIOA aterpetakoa eta garraioa: Helduak: 60 € - Haurrak: 30 €

Etxeberria eta Izkina tabernetan eta Intxurre Elkartean eman daiteke izena.

Ikusten duzuen bezala ez da plan txarra. Eta giroa berotzen joateko to/no bideo politt hau, Txindokin ateratakoa da, ea asmazten duzuen ni nor naizen (jejeje).

Atzo bildu ginen txintxarrisferako lehen blogs&beers-a egiteko. Arratsaldeko 20:00tan Etxeberrianen genuen hitz ordua. Han azaldu ginen bedaio3000, juanjoI, eiam, katuzarra, musikalegi eta ibusg. Arruenea afaltzea joan aurretik blogak eta garagardoak (b&b) izan genituen bat hizpide eta bestea laguntzaile (orden horretan). Arruenen afaldu, beti bezain ondo, eta gero herriko tabernetan jarraitu genuen gure hizpide eta laguntzaileekin.

Giro ederra izan genuen (ez eguraldia) gure artean eta hainbat gai interesgarritaz hitz egin genituen.

Hona hemen, nire memoria lagun, oraintxe bertan egin dezakedan laburpentxo bat:

1. Txintxarrisferari buruz hausnarketa egin beharra ikusi genuen. Gauza bera ulertzen dugu denok wikitaz ari garenean? Zertarako nahi dugu txintxarriMEDIA? … hainbat galdera irten ziren. Ondorioz txintxarrisferako wikikoforoa erabiltzea pentsatu genuen txintxarrisferaren semantikataz hitz egiteko eta agian gerora begira bilera presentzial bat egitea txintxarriMEDIAko erabiltzaileok foroko gaietaz hausnartzeko. Beraz badakizue, forora joan eta galderak, hausnarketak, pentsamenduak… idatzi.

2. Google earth-en Alegiako eta inguruko argazkiak jartzeko auzolan digitala martxan jartzea. Beraz badakizue, panoramio orrialdean kontu bat ireki eta argazkiak jartzen joan.

3. Tailerrak egietaren beharra: bideo edizioa, …

4. Interneta eta txintxarrisfera plazara eramatea. Plazara esandakoan herriko plazataz aritu ginen. Horretarako egun berezi bat antolatuz.

5. Musikaren historiari errepaso sakona eman genion, katuzarrak eta musikalegik zenbat dakiten, ufffff!

6. Gurea bezalako herri ttikietan dauden ekimenei begiratzea eta beraiteaz ikastea, aipatu genituenak Amezketa eta Larrabetzu izan ziren.
BubbleShare: Share photos - Find great Clip Art Images.

Auskalo zenbat gauza ahaztu zaizkidan. Lagundu “akta” ostazen please.

Egunkarian irakurri berri dut Sartagudan (alargunen herrian) Oroimenaren Parkea zabaldu dutela; 1936 estatu kolpearen ostean faxistek erahildako guztien omenez. Agian noizbait Oroimenaren Parkea ez ezik Oroimenaren Bloga edo Wikia ere zabaldu beharko litzateke, herritarrok garai hartako pasadizoak bertan erregistratzeko.

Badira bai, garai berberan baina gure herrian, oroitzeko gertakizunik. Alegiarrok izango ditugu garai haiei buruko hainbat gertaera kontatzeko modukoak eta galtzea pena litzatekeena. Ni nireekin hasiko natzaizue.

Amona Anttonik (aurten 100 urte) kontatzen duen bezala, berak eta familiak Attona Joxek eta bere hiru seme-alabak, tartean nere atte zena, eta amonaren aizpa izeba Damasarekin, Nafarroa aldetik zetozen faxisten beldur (rekete txapel gorriak) etxea utzi eta alde egin zuten. Nora eta Gernikara. Kasualitatea.

Amonak kontatzen du bera Durango inguruan zegoela eta bere senarra gudan, izeba Damasa beraren hiru seme-alabekin utzi zuela Gernikan. Eta irratiz entzun zuela Gernika bonbardeatzen ari zirela. Gure amonaren nahigabea, bere hiru seme-alabak (5, 3 eta urte bateko haurrak) bere aizparekin Gernikan.

Oinez abiatu omen zen Gernikara eta herrira iristean han topatu zuen erabat txikitutako herri bat; gainera ezin pasa zubiak apurtuta zeudelako. Marea jaitsi arte hainbat pertsona zain egon omen ziren ibaia pasatzeko. Amonaren kezka, non eta nola ote zeuden bere seme-alabak suntsituta ikusten zuen herri hartan.

Azkenean pasatzea lortu eta han hasi ome zen amona bere hiru seme-alaba eta aizparen bila. Azkenean denak bizirik topatu zituen, Gernikako estolderietan ezkutatuta egon omen ziren laurak.

Azkenean Gernikatik ere ihes egin behar: Bilbo, Santander, Bordele, Montelimar, …. Pasadizo hauek beste une baterako utziko ditut. Baita ere galtzaile gisa herrira bueltatzearena ere, bai baiziren herrian ihes egindakoen gauzetaz jabetu (lapurtu) zirenak ere.

Giro bikaina, eguraldiak lagunduta, gaur Larraitzen egon dena. Makina pertsona bildu gara bertan. Hainbat postu jarritza zeuden: taloak, gaztak, ehunak, liburuak, ukenduak, … denon gozamenerako. Musika ere ez zen falta eta nola ez markatuak izateko hainbat behi eta behor.

Egun honetan Aralarreko larreak berriro irekitzen dira hiru hilabetez itxita egon ostean. Behorrak, behiak eta ardiak dira larreetara igotzen direnak. Garai batean larreak urte osoan irekita egoten omen ziren baina 1990tik aurrera hiru hilabetez itxita egote komenigarria zela erabaki zen. Horregatik maiatzaren lehenengo honen ospakizuna.

Maitzaren lehena gorria, maiatzaren lehen berdea eta Madriletik datozen berriei begiratuz maitzaren lehena beltza. Euskaldunok ez dugu ezer onik jasoko inperioaren lurraldetik.

Ekainaren 1ean, Alegian, artisautza azoka egingo da. Bertan, nahi duenak bere arte lanak erakusteko parada izango du. Ea beratartzen garenok esku-lan ugari eta kurioso ikusteko aukera izaten dugun.

Ez dakidana zera da, artisau-lana eta esku-lana gauza bera ote diren, hau da, artisau lana izateko derrigorrez esku-lana izan behar duen.

Nik egiten dudan lan gehiena hatz-lana da. Zin dagizuet hatzekin gauza asko egin daitezkeela eta nik baditudala bereziki trebeak diren hatzak.

Adibide gisa blog hauxe duzue, hatzekin egindakoa. Artisau lana ote?. Hatzak eskuetan egonik, ez ote da esku-lana blog bat egitea ?

Artisau azokan blog egileok (blogariok) lekurik izango ote dugu? edo hatz-lanen azoka berezi bat sortu behar dugu? Azken ideia hau, berritzailea ez ezik sugerentea ere irudikatzen zait. Hatz-lanak!!! mmm!

Bitarteon, neokideok, hona hemen herrian egiten diren hatz-lanen bildumatxo bat.

Indarrean gaude, bai horixe! Txintxarrisfera aurrea doa eta azkena egindako ekarpena txintxarriMEDIA izan da.

TxintxarriMEDIA sare sozial bat da. Sare sozial bat grafo(en) bidez adieraz daiteke; bertan, irudian ikus daiteenen bezala, nodoek pertsonak adierazten dituzte eta nodoen arteko lerroek beraien arteko erlazioak.

TxintxarriMEDIA gauzatzeko, txarlik ning izeneko on-line plataforma erabili du. Sare sozialak sortzeko badira hainbat erraminta ezagun, besteak beste MySpace eta Facebook.

Gaur egun, txintxarriMEDIAn 18 txintxarri gaude (populazioaren %1a). Eta edozein erabiltzailek gehitu ditzake argazkiak, bideoak eta audioak. Agenda bat ere badu, ekitaldi eta hitz-orduak adierazteko. Gainera taldeak ere osa daitezke interes jakin batzuk gauzatzeko.

Esan beharrik ez dago edonork parte har dezakeela txintxarriMEDIA, bere erabiltzaile kontua bertan erregistartuz. Ea denon artean mediateka kurioso bat sortzeko gai garen.

Pasa den Azaroan, Alegian azoka egin zen. Orduan berari buruz idatzi nuen posta. Oraingo honetan bideo batekin natorkizue. Bideoa editatzen denbora gehiago pasatzen dut eta horregatik apirilean jartzen dizuet bideoa.

Ea hurrengo batean herrian mondeju azoka eder bat egiten dugun.

Gaur igande arratsaldea, bapo bazkaldu ostean eta euria ari duelarik, txintxarrisferari begiratu bat ematen hasi eta estatistikei erreparatzen hasi naiz. Zenbakiak, zenbakiak besterik ez dira. Datuak, datuak diren bezala. ba hona hemen datua: 2008ko otsailean txintxarrisferak gutxienez (2ktu eta txintxarri irratiko datuak kontuan hartu gabe) 3.595 bixitari izan ditu eta 4.490 bixita. Nork esan orain dela ez hainbeste, horrenbeste eduki sortzeko gai izango ginatekeenik. Harro egoteko modukoa. Auskalo urte amaieran urte osoko datuak zein izango diren!

Kontuan hartzekoa nire ustetan txintxarrisferako wikia hartzen ari den indarra.

The is no time for love in the basque country, please extend the solidarity

Ez dago maitasunerako aukerarik Euskal Herrian, zabaldu elkartasuna

No hay tiempo para el amor en el Pais Vasco, extiende la solidaridad

Zergatik hainbat kotxek Bideberrieta kaleko espaloia okupatzen dute? Kotxezale hauek pentsatuko dute espaloian gainean aparkatuz ez dutela automobilen trafikoa oztopatzen, baina ez dira konturatzen oinezkoen esparrua deusezten dutela; agian zaharkitua dagoen herri eredua dugulako buruan (kotxeak lehentasuna duenarena); ez dugulako oinezkoen herriaren eredua oraindik geure pentsamoldean barneratu. Denok bultzatu behar genuke oinezkoek lehentasuna duten herriaren eredua; kosta egiten da baina ereduak aldatu egiten dira eta egin egin behar dira. Eta denoi kostatzen zaigu, niri ere bai.

Hainbatetan ikusi dut gurasoren bat bere seme-alabaren karroarekin karreteratik pasatzen kotxezaleek beraien kotxeekin espaloia erabat okupatzen dutelako. Zergatik ez dugu kotxea espaloitik bera karretera oztopatuz jartzen eta ez espaloia anulatuz? Utzi kotxeak espaloitik kanpo!