tontokaletik

Dagoeneko, gaurko egunez, 3 urte bete ditu blog honek. Ez nuen espero 2006ko azaroaren 5an idatzitako lehen post harek, hiru urtetarako adina emango zidanik. Ibilbide motzagoa aurre ikusten nion; bai horixe. Zenbat gehiago beteko ote dituen??? Nork daki.

Estatistikak ikusirik hiru urte hauetan 204 post eta 376 iruzkin idatzi dira, 6.908 bisitari izan dituen blog honetan.

Estatistikak albo batera utzita, zenbaki hutsak bai dira, aipatzekoa hiru urte hauetan leiho honetatik ikusitakoa da. Bertatik jaso da herriko blog desberdinen sorrera (eta ez dira gutxi izan). Eta nola ez, txintxarrisferaren jaiotzaren lekuko pribilegiatua izan da.

Auzolan digitalek ere forma hartu zuten eta ezin aipatu gabe geratu txintxarriMEDIA geure sare sozial arrakastatsua eta ospetsua (2008ko euskal blogosferako 2. ekarpen garrantzitsuena gisa izendatua).

Eta ezin geratu garrantzitsuena aipatu gabe: pertsonak. Makinak osatzen dute gaur egungo herriko hacktibista glokalen zerrenda (blogari, wikilari, iruzkingile, argazkizale, bideozale, forero, irakurle, auzolandegi zale, TB digital zaleak, irrati digital zaleak,…). Hau bai altxorra sortu duguna.

Alegia, interneten ikus daiteke. bai horixe!!!!

Hor gaude, garen bezalakoak, gure modura!!!!

Beraz zorionak denoi.

Eta hau ospatzeko eta nere gozamenerako:

Lola ¿por que estas sola?

“…….
A esa Lola no le mola mi cola.
…….”

Hau bai pieza, “Lola“.

Gasteizko Cicatriz taldea eta “Lola”abestia. Bere garaian indar eta eragin haundia izan zuen kanta.

Entzun, entzun,…. (kantatu, kantatu,…). Letra.

Garai berean ba zen Alegian ere musika giroa. Ziklox Garaialde taldea hortxe ari zen. Taldeko kanta ezagunetako bat The clash taldeko London Calling kantaren bertsioa izan zen, Tontokalen izenekoa. Blog honetako eskuin albo-zutabean agertzen den kanta.

Patxi Gaztelumendien blogan, post bat egon da The Clash tontokalen izenekoa. Poz haundiz hartzen dira hainbeste urte pasa eta gero, Ziklox Garaialde eta Tontokalen kantaren aipamenak sarean aurkitzeak.

Entzun, entzun,… (kantatu, kantatu,…). Letra.

Haiek garaiak!!!! Zahartzen ari ote naiz?? Nostalgikoa bihurtzen???

Post honen bidez herriko Kultur Batzordea zoriondu nahi nuke. Aspaldian, herrian izan dugun kultur mugimendua inoiz baino emankorragoa delako. Lekukoak dira “Garai bateko Alegia 2009″ jaia, “Udazkenean kultura” ekimena, garaian garaiko azoka bereziak, eta abar luze bat.

Kultur batzordea, jatorri, asmo eta zaletasun desberdinak dituzten pertsonez osatuta dago. Partaide guztien ezaugarri komuna herriari eta herriarentzat ekarpenak egitea da. Ordainetan ez dute ezertxo ere eskatzen.

Gehienetan auzolana izaten da emanaldiak antolatu eta burutzeko bidea (herri ttikietan gauzak aurrera ateratzeko modu bakarra). Hemen ez dago diru ordain saririk. Bakoitzak, ahal duen moduan ahal duena ematen du. Eta horrela izan da beti. Eta horrela izan bedi beti. Txintxarrisferan ere auzolan digitalak ere badu bere lekua. Azaroaren 20an burutuko den ardiki mapping party-a beste adibide garbi bat da.

Globalizaioaren ondorioz, herri ttikion antolaketa ereduak duen arrisku nabarmenena, kanpo ereduek geure betiko egiteko moduak ordezkatzeko agertzen duen asmoa da. Eta badira bai, globalizazioaren aldeko militanteak, erreakzioanarioak. Ekarpenik egin ez, eta dagoena zapuztu nahi dutenak.

Baina, gaitz berri honek badu antidotorik: hacktibismo glokala, herrian eta herrirako zerbait egin nahi duenarentzat lagun dezaken bidea, ilusioa eta gogoa bidaide dilerarik. Nik behintzat, horrela jarraituko dut.

Zorionak beraz Kultur Batzordeari eta zorionak espresuki Maider Jauregi Udal Kultur Zinegotziari.

Jendearen ohiturak aldatzeko, modu alai, jostalari eta dibertigarrian egin behar da.

Hona hemen adibide bat: metroan eskailera aurrean topatzean denok eskailera mekanikoak hautatzen ditugu eta ez “ohikoak”. Nahiz eta ohikoak osasuntsuagoak direla jakin.

Begiratu eskailera “normalak” eskailera-piano bilakatuz zer gertatzen den.

%66ak oinez igotzeko eskailera-pianoak hautatzen ditu. Eta gainera jolasteko aukera ere ez dute galtzen.

Azaroaren 20an, badugu zer ospatu Alegian (badira behintzat 34 urte ospatzen ari garela egun hau). Txintxarrisferako III ardiki afaria burutuko dugu. Aurtengoak badu formato berri bat. Egun horretan Alegiako I. Ardiki mapping party-a (mapa festa) egingo bai dugu.

Mapa festarako Arratsaldeko 17:00etan Kultur Etxe inguruan geratuko gara eta herriko mapa librea osatzen hasiko gara. Mapa osatzeko ondokoak erabiliko ditugu:

1. GPSa herriko hainbat txokoren waypoint-ak eta kaleetako mapak erregistratzeko. GPSaren bidez datuak kapturatzeko herrian zehar paseatuko dugu.

2. OpenStreeMap OSM, munduko wikimapa librea, kapturatutako datuak bertara bolkatzeko. Honetarako ordenadore bat eta internet konexioa beharko ditugu.

Mapa libreen bidez, bestelako mapek dituzten murrizketa politiko, tekniko eta legalak, ekidin nahi dira. (OpenStreetMap-en murrizketa politikotaz hurrengo batean hitz egin beharko genuke, Alegia (Spain) jartzen bai du, Alegia espainian???????? )

Mapa bat sortzeko eman beharreko pausoak (OpenStreetMap OSM-en):

1. datu bildu GPSarekin
2. datuak OSMra igo eta gorde behar dira (GPX formatuan)
3. OSMra igotako datuak editatu JOSMren bidez
4. Datuak etiketatu eta xehetasunak jarri
5. Mapak sortu (renderizatu)

IZEN EMATEAK:

A. mapa festarako izen ematea

B. ardiki afarirako izen ematea

Afaria betiko moduan Ugarten egingo dugu eta menua badakizue:

-mondeju zopak
-mondejuk
-ardi gixadue
-ardi txuletak
-mamie eta gazta

edateko ardoa noski (ufff hau betekada)

Azkenean aurtengo ikasturtean haur eskola irekiko da herrian, zoriontzeko berria, bai horixe. Kalebeheko frontoi erdian kokatu da behin-behineko eraikina. Behin-betikoa frontoi inguruan egingo omen da auskalo noiz.

Haur eskolaren beharrari buruz ez naiz ariko hemen.

Aspaldi (2003. urtean) hasi ginen herriko hainbat guraso haur eskola sortzearen aldeko lanetan. Orduan, haur eskola Franconin jartzearen aldeko hautua egin genuen. Ezusteko, edota inork espero ez genituen arazo eta tira-biraren ondoren Franconitik at geratu zen proiektua. Franconi fundazioko patronatoak ez zuen egokia ikusi bertako gela batzuk haur eskolarako uztea. Gaur egun Franconiko gelak, erabilpen hutsal eta testimonial bat ezik, hutsik diraute urte osoan, .

Fundazioko patronatoa lau patronoez osaturik dago. Alegiako (Aitor Sarasola) eta Altzoko alkateak (Altzoko Batzarremuinoko hautagaia izan zena) eta Alegiako eta Altzoko parrokoek (orduz gero, eta ezetz asmatu zergatik?, Jose Inazio Eguzkitza da bi herrietako parrokoa).

Gaur egun beraz, Franconik hiru patrono ditu. Bakoitzak bere burua soilik ordezkatzen duelarik. Hau da, Patronoen jarduera ez dago inoren eta ezeren menpe.

2004. urtean orduko Udalbatzaren aginduz, Oscar Padura abokatuak, Franconi fundazioari buruzko txosten juridiko bat egin zuen (interesgarria litzateke txostena publiko egitea, nik etxean dudana irakurri berri dut). Txosten juridikoak Franconi fundazioari buruzko hainbat ondorio adierazten zituen.

Bigarren ondorioa hauxe da:

“La propia ley (ley vasca de fundaciones) establece que el organo de gobierno de la fundacion tiene el deber de modificar los estatutos cuando las circunstancias que motivaron la fundacion hayan variado. Es por ello, un momento idoneo para adaptar los fines fundacionales a la realidad educativa y social actual, abordando el tema de la haur eskola asi como otros que pudieran surgir (adibidez eguneko zentroarena), si bien, la creacion-gestion de una haur-eskola no viola ningun fin fundacional”

Txostena luzea da eta benetan interesgarria. Publikatu zain geratzen da.

Nire hausnarketak honakoak dira:

1. Udalbatzak ordaindutako txosten juridikoaren ildoa eta funtsa irmo eta adorearekin jarraitu eta defendatu behar luke Alkateak, Fundazioan patrono gisa jokatzen duenean.

2. Jabetza pribatu eta erabilpen publikoa duen Franconi fundazioaren funtzionamendua, instalazioen erabilpena (egutegi, ordutegi eta xedea) eta fundazioarekin zerikusia duen hainbat gai gardentasun osoz helerazi, publikatu, zabaldu, informatu behar zaigu herritarroi. Norbaitek ba al daki txiriringito honen berri?

Bestalde:

Nork ordaintzen du fundazioan gastatzen den ur, elektrizitate eta gasa? eta bertako mantentze lanak (teilatua, zubia, …)? Maizterrek alokairurik ordaintzen al dute?

Post honetan ez naiz Marikarmen Garmendia, Miren Azkarate edota Arantxa Urretabizkaiak ahotik jaurtikitako ANALisiei buruz ariko, ez eta ertzaintzak txintxarriMEDIAko kideen argazkiak bertatik kentzeko azaldu duen asmoari buruz, ez eta Franconiko hiru patronoek, Alegiako alkatea tartean, fundazioaren erabilpenari buruz herritarroi zabaltzen diguten informazio opakuari buruz, ez eta euskal erkidego autonomoko herritarren borondatea ordezkatzen omen duen Gasteizko jaurlaritzari buruz, ……ez horixe. Gaur hirekin ziak asuntoa.

Katarroa, katalogoa, katakunba, katalejuak, katajineta, kataplasma, katarsia, katamarana, katastroa, katapulta, kataklismoa, katastrofea, KATAKUMEA, katamotza, arkakusoa, saguzarra. (jijiji bihurrie nauk)

Komertziala tontokaletik bloga?

Gaurtik aurrera ez da txupinerarik gehiago ikusiko, ez bonba japonesarik, ez kalebeheko festen aipamenik (por tzierto a ze festa bikainak), ez garai bateko Alegiako festako trikiti soinurik, ez Aralarren geokokapenik, ez txistularirik, ez festa hasierarik, ez Franconirik (mmmmm seguru?),…..

Tontokaletik blogako postak, edonork iragar ditzakee idatz aurretik gaur egun. Denboraren poderioz aspergarria, zozoa eta paspana bi(la)katu da. Bere hasierako izaera bihurria, zirikatzailea, menderakaitza, matxinoa, erreboltaria, sustatzailea, asaldarioa eta Geek-a berreskuratu behar du. Underground mundura.

Trasatlantiko titaniko honen norabiea aldatzen den bitartean, National Geographic-en sukurtsalak diruditen txintxarrisferako beste blogei (marrama-miauuuuu) ez zaie aipamenik egingo postetan. Toma mehatxua, jijiji. Hau bildurra.

Blog honen ildoari men eginez hemen duzue abesti txukun bat. Non ote nire euskaltasuna?

Oharra: norbaitek ulertu al du post honetan zerbait?

TX4RL1-ren argazkia

Amaitu berri dira Alegiako festak eta zin dagizuet ez dudala ezertxo ere bideoan grabatu. Garai bateko Alegiako festarekin nahiko beteta geratu nintzen eta bideo-kamera udarako oporretarako gordeta dut. Beraz, erreportai grafikorik ezean, banoa nire burutazioak botatzera.

Ez dakit zer egingo ote genukeen herri honetan, nik behintzat ez, zahagiardorik gabe. Non afaldu bestela? Gogora ekarri behar da gazte asanbladak antolatutako festa alternatiboetan ezarri zela, orain dela 20 ta piko urte, festetan egunero bulebarrean zahagiardoa egiteko parada. Orduan bulebarrean agertu ere egiten ez zirenak, hau da, arrimatuzale ez zirenak,“kinki drogadiktoekin” ez nahaste arren, ohikoak dira gaur egun festetako zahagiardoan ikustea. Prejuzioek makina zahagiardo gal erazi dizkiete, beraien kalterako noski.

Aurten udal jaien egitarauan ez dut mezarik ikusi; zuek? Hori bai, Jesusen bihotza udaletxeko fatxadako talaiatik, plazako mozkor demasen eta pisontzien, begirale eta zaindari izan da. Ni badazpada udaletxeko atze aldetik igarotzen nintzen beti.

Eta bonba japonesak missing? Ez ote da gauzatuko Lukax eta bonben arteko dibortzioa ? Betirako galdu ote dugu herriko plazan polbora usaina? Eskerrak iaz bideoan grabatu nuen. ufff

Arrakasta izan zuen Larraitz auzoan burutu zen herri kirolen emanaldiak. Ez legoke gaizki, herrian txintxHARRIA izeneko harri berezi bat izatea (itxura edo pisuagatik) eta bertara etoretzen diren kilorariak txintxHARRIA jasotzen saiatzea. Ni txintxHARRIAren itxurataz hausnartzen hasiko naiz.

Eta itzela benetan paregabea igandea goizean burutu zen kalejira berezia, garai bateko (herri honetan dena garai batekoa lote?) eta oraingo txistulariez osatutakoa. Txistu hots goxoak, denak alkandora txuriz jantzita eta txapelarekin burua estalita. Ikusgarria. Hainbat herritar eta kanpotarrek larunbat gauean gaupasa egin behar izan zuten kalejira ez galtze arren. Aipatzekoa da, urtero-urtero joxiñazio eta trinik eskainitako aperetifa, moskatela eta pastaz osaturikoa (ude ere bai). Aurtengo berrikuntza txusok lehen aldiz eskainitako kafea izan da.

Eta zer esan, txintxarriaren erreketa kutre ekitaldiari buruz. Ereserki horrek ez dit larru azaleko inongo hilerik zutik jartzen, ezta beste ezertxo ere. Agian datorren urterako ereserkiaren house bertsioa sortu beharko dugu; edo elektronikoa, edo punka, edo trikiti-ereserkia, edo ….. Lehiaketa bat burutu beharko litzateke bertsio berri bat sortzeko eta gaur egun entzuten duguna pipi-hauts kiratsa darion sotana batean izkutatu.

Bi ideia bota ditut behintzat: txintxHARRIA eta ereserki bertsio lehiaketa.

Eta nik bideorik ez dudanez besteek egindakoak enbotatuko dizkizuet. To/No:

Probetxuzko astelehena.

Hemen dituzue GBA09 jaiko azken bi bideoak.

Lehengoan sega pikatzen, igitaiarekin belarra mozten eta txondorraren inguruan lanean agertzen dira hainbat gizonezko.

Eta azken bideo honetan zu agertzen zara, bai zu zerorri. Eta nola ez azken irudietan idazkaria agertzen da.

GBA bigarren edizioan berriro ikusiko gara. Idazkari honen lanak amaitu dira. ERRUKI JAUNA.

Hara non dagoen idazkaria. Zertan ari ote da?

intxurreren argazkia.

Giroa berotzen hasia da GBA09 festan. Uffff. Hemendik aurrerako bideotan, zentsura aplikatuko da blog honetan. Se akabo la fiesta.

Musikariekin zerikusia duten beste hiru bideo dituzue ikusgai. Bat dultzaineroena, ortodoxoagoa eta beste bi espontaneoagoak. Bertan Inma agertzen zaigu protagonista nagusi gisa. Akordeoi eta farandularen erregina. Nabarmentzekoa festa alaitzeko bere ahalmena. Nahi bai Bilbok horrelako Marijaia izan.

Eta bitartean idazkaria missing. Ez ote zituen beraren begiek imajin hauek ikusi? Ni izerditan lanean eta bera patxada ederrean.

Adi hurrengo bideoei, zu agertzen zara eta.

To be continued….

Arrakasta itzela, baino ez GBA09k, ez horixe, baizik eta irakurtzen ari zaren blog honek. Tontokaletik blogaren arrakastak itzala egiten ari zaio igandeko festari. Hau da bisitari eta bisita kopurua. Nabaria zen blog honen goranzko joera, baino inork ez zuen espero hau. Nola kudea (gaur egun dena kudeatu egiten da) ote dezaket arrakasta hau?

Arrakasta honi, etekin ekonomikoa ateratzea izangu dut hoberena.

Norbaitek, talde, taberna, denda, elkarte, kirol talde, musika talde,… tontokaletiken publizitatea egin nahi baduzue prezio bereziren bat geingo dizuet.

Eta norbaitek nahi badu: tontokaletik SALGAI dago. Bloga oso-osorik. Eroslerik?

Bitartean eta GBA09ren bideoekin jarraituz, hemen dituzue musikarekin loturiko beste hiru bideo. Bi, herriko musikari pilo bat kalejira eginez eta bat herriko plazan Eider eta Mirari jende guztia dantzan jartzen. Eider, Mirari: xaladas mas ke xaladas.

Por tzierto, norbaitek ikusi al du idazkaria? Akatarik ez ote duen somatzen ari naiz.

to be continued….

Atzo burutu zen herrian “Garai bateko Alegia” izeneko festa. Festa ostean beti izaten da astelehena. GBA09 jaiarekiko hitz onak besterik ez ditut entzun. Izandako arrakastaren babesean, festaren jarraipenaren gaia hitzetik hortzera dabil. Festa errepikatu behar da? urtero? bi urtez behin? hamar urtero?

Ez legoke gaizki urte bakoitietan GBA festa ospatzea eta bikoitietan EA (Etorkizuneko Alegia) festa. Beraz agian datorren urtean EA10 ospatuko dugu. Nork daki.

Eta idazkariak, idatzizko akta pasatzen didan bitartean (alper xamarra somatzen dut idazkaria) hemen uzten dizuet post saga honen bigarren sarrerako hainbat bideo. Bideo hauek musikarekin zerikusia dutenak dira (bideo gehiago egongo dira, asko bai daude).

Eta ez ahaztu, kantatzen duen herria ez dela inoiz hiltzen. Por tzierto, txintxarrisferako pegata asko ikusi ziren musika tresnetan. hobenak gea!

Bandoa

Doinua: Zuk badakizu gure txikia

Bandoa: mila beatziehun eta
beatzigarren urtian
zeremonia ikusgarriak
Alegriako partian
boda berria zelebratzeko
sanjuanillaren zazpian.
Horrelakorik ez da ikusi
oraindaino bitartian

Bandoak hala agintzen du ta
orain horren arabera
herritar denak jantzi dotore
jetxi zaitezte kalera
gaur bulla egin behar baitegu
“gu alegritarrak gera”
Gure aipamenak izan ditzaten
hemendik ehun urtera

oharra: nik bideoak eta argazkiak gba09 etiketarekin tageatu ditut.

Ekainaren 7an burutuko da Garai bateko Alegia izeneko jaia. Tontokaletik bloga bera ere txuri beltza bi(la)katu da.

Egitaraua

10:30. Bandoa Zazpi Astoren Gainean bertso eskolakoekin.

11:00. Kalejira.

11:00-13:00. Lanak eta eginkizunak.

13:00. Ezkonberriei ongietorria.

14:00. Herri bazkaria eta erromeria.

Txokoz txoko

Kalean gora eta kalean behera. Txorroskileroa, mikeleteak, apaiza, idazkaria, argazkilaria, margolaria, suhiltzailea, artzaina, esnezalea, baserritarrak, ikazkina, makilariak, musikariak, dantzariak, garai bateko ume jolasak, moto eta automobil zaharrak… ibiliko dira.

Bulebarrean. Toka, ohe zaharra astintzea eta jostea, artzaie ardiei ilea mozten, baserritarrak sega pikatzen…

Plazan. Tabernak, denda, sukaldeko lanak: mamie egiten, artoa eta babarruna aletzen…

Txintxarri plazan. Zurgina, kandelagileak, txintxarrigilea.

Ibai aldean. Kalebehera aldera bizikleta konpontzailea, laboreak, xaboia egiten eta arropa garbitzen.

Parte-hartzaileak

Antolatzailea. Kultur Batzordea.

Parte-hartzaileak. Dantza Taldea, Txintxarri abesbatza, Loatzo musika eskola, Zazpi Astoren Gainean bertso eskola, Guraso Elkateko kideak, Txintxarrisferako lagunak, Argazkizaleen Taldea… eta noski, herritarrak.

Argazkian ikus dezakezue txintxarrisferako lehen neokidea, txintxarrigilea bera.

Atzo larunbata, gaueko argi bila, burutu genuen Txintxarrisferako II. blogs&beers-a. Bertara urbildu ginen hainbat lagun garagardoaren inguruan blogetaz (wikitaz, twiterretaz, wifitaz,…) hitz egiteko. Topagune hauek interesgarriak suertatzen dira bata besteon berri presentzailki jakiteko eta hainbat lanetarako iniziatiba hartzeko.

Hainbat gaietaz hitz egin genuen, baina hasi aurretik eta bertaratutako guztien partetik zorionak eman nahi dizkiegu eiam neokideari eta jaio berri den Laidari.

Nahiz eta topaketan aniztasunaren (bai, bai bio-taz ari naiz) faltan aurkitu, kontatzera noa bertan izandakoa:

-Ekainaren 7ko festa dela eta (Garai bateko Alegia), egunaren promozioa egitea garrantzizkoa ikusi genuen (erro hauekin horixe ari naiz egite) txintxarrisferako bateria digital osotik. Asi ke, bakoitza bere txokotik, lanera. Esan beharra dago, txintxarrisferako eztabaidagunetik hainbat ekarpen jaso direla festa horretarako.

- Ekainaren 7ko festarekin jarraituz, interesgarria ikusten dugu, bertako hainbat ekitaldi zuzenean emititzea livestream erreminta erabiliz. Arazo nagusia konektibitatearena izanik. Beraz, hori dela eta interesgarria ikusten da Udaletxe inguruak wifi gune irekia izatea. Horrelako ekitaldia zuzenean emititzeko, edo edonork konexioa izateko, edo….

- Beraz, eta azken honi lotuta, egokia deritzogu Udalak herrian wifi gune irekiak zabaltzea. Har beza Udalak lerro hau eskaera gisa.

- B&B-a gerturatutakoak, txintxarrisferaren izaera bihurria, zirikatzailea, menderakaitza, matxinoa, erreboltaria, sustatzailea, asaldaria,… azpimarratu nahi izan zuten. Uffff, hau jendea.

-Nabarian geratu ziren, neokide berrien ekarpenak, batik bat argazki eta eritzien bidez. Zoriontzekoa beraz, txintxarriMEDIAko argazki eta hornitzaile guztioi. (ea Alegia2.0: auzolan digitalekin beste hainbeste egiten dugun)

-Kanpora joaten garenerako eztabaidagune bat sortu da. Eztabaidagune honen bidez oporretan, lanean, … kanpoan gauden leku horretatik idatz dezakegu eta ikusten duguna kontatuz, sentitzen duguna, gustatzen zaiguna, soma dezakeguna, gertatu zaiguna, kontatu nahi duguna, guretzat balio diguna,…. azalduz.

-2006tik atzera Alegiari buruz interneten zegoen ikuspena eta gaur egun dagoenak ez dute zerikusirik. Lan itzela egin dugu hiru urte hauetan eduki digitalak sortzen.

-Azkena egin diren ardiki jate eta B&Betan, salbuespenak salbu, soilik txintxarrisferako blogariok agertzen gara. Interesgarria litzateke txintxarrisferako kide gehienok (blogarietatik hasi eta azken irakurleraino, 40 eta piko gaude izena emanda) bilduko luken ekimen bat antolatzea (agian hurrengo ardiki jatea???)

-Gaua aurrera joan ahala, esparru pribatuan geratuko diren hainbat (des)ideia bururatu zitzaizkigun.

Baretutako otsoak aspaldi aipatu zidan proiektu honen berri. Asmoa, gipuzkoako garai bateko (modan dagoen kontzeptua, ) eta gaurko argazkien bilduma bat egitea da. gureGipuzkoa.net webgunean, argazkiak geokokaturik daude eta Creative Commons lizentziapean zabalduta daude ( by-sa, hau da, aitortu eta partekatu baldintzekin).

Erabiltzaileak nahi dituen argazkiak igo ditzake eta baita ere bertan daudenak erabili.

Informatikari euskaldunen bilkurarekin jarraituz, beste bi proiektu azaldu nahi nituzke.

Alde batetik luistxok aipatutako openstreetmap (OSM) proiektua. Wiki baten bidez, elkar lanean mapa libreak sor daitezke; orokorrean ia mundu osoan informazio geografikoa ez bait da erabilpen librekoa. Openstreetmapen errepideak, bideak, eraikinak, basaerriak, lekuak, ….. erregistratu eta editatu daitezke.

Alegia2.0: auzolan digitaletarako lan politte. ez?

Beste proiektu interesgarri bat Joseba Martosek aurkeztu zuen. Honek sinadura digitalari buruz hitz egin zigun eta beraiek sortutako sinadura aplikatiboa.

Sinadura digitala, mezu telematikoen igorpenean eta dokumentu elektronikoen kudeaketan igorlearen nortasuna bermatzen duen kriptografia prozedura da. Sinadura motaren arabera, dokumentuaren osotasuna ere bermatzen da.

Post honetan aipatzen dudan aplikatiboak, PDF dokumentuak sinatzeko balio du.