tontokaletik

Ez dut uste inor gose geratu zenik, ostiralean egindako janka ostean. Ibonek dioen moduan oraindik ezpainetatik ardi-kakaoa kentzeko daukagu.

Goserik ez da izango baina bai gose jateko gogoa. Gose denari jateko ordua ailegatu zaio. Gose taldeko musika plazer haundiz jan daitekeelako.

Jan ezazu Japonen emandako saio batean mahai gainean jarritako Rimmel kanta. On egin.

Blog honi, nahi baino gutxiagotan, geek izaera nabarmendu nahi izaten diot. Bideo honekin horixe nabarmendu nahi nuke. Agian noizbait tontokaleGEEK bloga sortu behar ote dut?

Por tzierto, asteazkenean Alegiako jaiak hasiko dira.

Giroa berotzen hasia da GBA09 festan. Uffff. Hemendik aurrerako bideotan, zentsura aplikatuko da blog honetan. Se akabo la fiesta.

Musikariekin zerikusia duten beste hiru bideo dituzue ikusgai. Bat dultzaineroena, ortodoxoagoa eta beste bi espontaneoagoak. Bertan Inma agertzen zaigu protagonista nagusi gisa. Akordeoi eta farandularen erregina. Nabarmentzekoa festa alaitzeko bere ahalmena. Nahi bai Bilbok horrelako Marijaia izan.

Eta bitartean idazkaria missing. Ez ote zituen beraren begiek imajin hauek ikusi? Ni izerditan lanean eta bera patxada ederrean.

Adi hurrengo bideoei, zu agertzen zara eta.

To be continued….

Arrakasta itzela, baino ez GBA09k, ez horixe, baizik eta irakurtzen ari zaren blog honek. Tontokaletik blogaren arrakastak itzala egiten ari zaio igandeko festari. Hau da bisitari eta bisita kopurua. Nabaria zen blog honen goranzko joera, baino inork ez zuen espero hau. Nola kudea (gaur egun dena kudeatu egiten da) ote dezaket arrakasta hau?

Arrakasta honi, etekin ekonomikoa ateratzea izangu dut hoberena.

Norbaitek, talde, taberna, denda, elkarte, kirol talde, musika talde,… tontokaletiken publizitatea egin nahi baduzue prezio bereziren bat geingo dizuet.

Eta norbaitek nahi badu: tontokaletik SALGAI dago. Bloga oso-osorik. Eroslerik?

Bitartean eta GBA09ren bideoekin jarraituz, hemen dituzue musikarekin loturiko beste hiru bideo. Bi, herriko musikari pilo bat kalejira eginez eta bat herriko plazan Eider eta Mirari jende guztia dantzan jartzen. Eider, Mirari: xaladas mas ke xaladas.

Por tzierto, norbaitek ikusi al du idazkaria? Akatarik ez ote duen somatzen ari naiz.

to be continued….

Sakre musika taldeak 1.978. urtean atera zuen bere disko bakarra; diakoaren izena “Bizitako gauzak” zen. Bertan Alegiko Iñaki Mezquitak (txetek) gitarra eta ahotsa jartzen zuen. Berarekin batera Victor Carracedo (baxua), Juan Carlos Badiola (bateria) eta Iñaki Aranburu (teklatua) aritu ziren.

Diskoaren abestiak ondokoak dira:

Erreberentzia
Orain
Oroitzapenak
Ezengaino
Bakardadea
Heriotzaren deia
Erantzuna
Izarren Hautsa
Guduan jarrai
Bilatzea

Hemen duzue Bakardadea abestia, disfruta’zank:

Esteka interesgarriak:

1. Diskoa ososa jaisteko
2. La caja de música webguneko iritzia
3. Itsasoz beteriko mugetan blogako posta

Gabino Zubeldia Gatañagak, Aralar inguruko hainbat herrietako (Alegia, Amezketa, Ugarte, Abaltzisketa, Bedaio, Orendain, Gaintza eta Zaldibikoak) musikariak erregistartu nahi izan ditu. Instrumentu desberdinak jotzen dituzten musikariak agertzen dira, besteak beste, txistulariak, piano joleak, organistak, kantariak, …

Lehenego honetan Alegiako txistulariei buruz burutu duena erakutsi nahi dizuet.

Bere lanean hainbat audio era sartu du. Hona hemen batzuk:

German intsaustiren Polka

Lukas Guridiren Karmen eguneko kontrapasa

Eta hemen duzue herriko txistularien bideo bat (hau nerea da):

Gabinoren lanaren webgunean begira dezakezue bere lan osoa. Zorionak Gabino.

Krisi garaiak ez dio txintxarrisferako sormenari eragiten; ez horixe. Olatz eta Ibonek blog berri bat sortu digute; beraien asmoa baserriko kontuak gu denontzat gotzenetik kontatzea. Politte benetan ideia.

Arbasoak baserrietan ditugun kalekumeok, ea zerbait ikasteko aukera dugun.

Zorte on abentura honetan neokideok!

Euskal blogosferaren musa bilakatzen ari zaigu Miren Azkarate. Bere begi xamurrek hainbat postetako hitz eta esaldi inspiratzen ari dira. Baina ez dira soilik hizkiak bere aura magikoaren bidez inspiratuak izan, musika ere sortarazteko adina indarra du. Hemen adibidea, Ze Esatek! taldeak sortu duen abestia.

Segapotorako politonoak ere doan jaitsi ditzakezu.

Baina hau ez da guztia, Miren Azkarateren maitale talde batek webgunea sortu du, edonork berari dioen maitasunaren zergatia publikoki azaltzeko aukera ematen duelarik.

Euskaltzain osoa ez ezik, blogosferako musa osoa bilakatu zaigu Miren.

Aurten berezia izan da Olentzeroren etorrera., ekitaldi bikainak burutu bai dira herrian berari eta Mari Domingiri ongi etorria emateko.

Goizean, 11:00ak aldera herriko eskolako ikasle, irakasle eta gurasoak ibili ziren kaleetan zehar kantari. Gogoratzen dut, herrian ikastola eta eskola nazionala zeudenean, ikastalako haurrak, andereño Begoñarekin eta besteekin, ateratzen ginela kantatzera. Eskolakoak ez ziren ateratzen. Gero bi ikastetxeak elkartu ziren, eta ikastolako ohitura eskola berrira pasa zen.

Arratsaldean 17:30ak inguru, ekitaldi berezia eta berria izan genuen herrian. Zorionak eta eskerrak, Olentzero eta Mari Domingiren etorreraren ospakizunetan lanean aritu ziren guztiei; ideiak ematen zituztenei, dantzariei, abesbatzari, kultur batzordeari, udalari, …. Burutu den lana, nire ustetan, txukuna izan da eta ikusgarria. Iazkotik, jauzi ikaragarria eman delakoan nago. Esan baita ere, ezin dela aurtengoa ulertu, aurrekoen lana aipatu gabe. gauzak ez bai dira egun batetik bestera egiten.

Eta gero ilunabarrean, ohiko den bezala Txintxarri Korue atera zen kantari. Auskalo zenbat urte daramaten kantari.

Tontokaletik -ek ere badu geek ikutua. To/No eguberrietako kanta, 49 mikrouhin sinkronizatuekin sortutakoa. Askotan, lau lagun elkartzen garenean asinkronogoak izaten dira geure eztarrietatik ateratako soinuak.

Martxan da jada zortzi@2008 ekimena, euskal blogosferan izandako gertaera, berrikuntza edo ekarpenik aipagarrienak aukeratzeko. Zazpi gertaera izango dira aukeratuak.

Ekimena Joxe teknopatak sustatu du eta zazpi@2007 ekimenaren ostean dator. 2007ko proposamenak eta irabazleak argitaratuak izan ziren.

Lehenik hautagaiak izango direnen proposamenak egin behar dira. Edonork proposatu dezake, espresuki sortutako wikian, hautagairen bat ekimenerako .

Txintxarrisferak badu bere hautagaia bertan: txintxarriMEDIA; 2008ko apirilean sortutako txintxarrisferako sare soziala. Izen handiak ditugu inguruan lehiakide, begiratu bestela zerrenda. Nahi izanez gero Txintxarrisferak izango luke hautagai izan zezakeen proposamen gehiago ere: ez ahaztu 2008ko otsailean sortu zela Alegia2.0: auzolan digitalak ekimena

2009ko urtarrilaren 1etik 30era bitartean bozkatzeko epea egongo da: hautagai guztiak zerrenda batean jarri eta norberak gogokoenak aukeratzeko aukera izango du. Beraz, neokideok, badakigu urtarrilean hauteskundeak izango ditugula.

2009ko otsailaren hasieran zazpi aukeratuen zerrenda iragarriko da. Beraz zorte on txintxarriMEDIA.

Zorionak eta eskerrik asko joxe teknopatari bigarren ekimen hau antolatzeagatik eta euskal blogosferan gabiltzanoi, bata bestearen berri jakiteko aukera emategatik (proposamenen zerrenada ikusi besterik ez dago).

Dagoeneko oinez ikasia eta lehen hitzak esateko moduan. Gaurko egunez sortu zen tontokaletik bloga orain dela 2 urte. Gogoan dut oraindik Antena bati abestutakoa. Altzapague lehen posta hura.

Kanta digitalizatu audacityren bidez eta nola lekutu nuen archiven. Bertan daude, oraindik ziklox garaialde 2.0ko ere hainbat kanta.

Hainbat post idatziak izan dira, zehatz-mehatz 149 eta 246 erantzun egon dira.

Eta hara non nire sorpresa, gaur interneten saltseatzen ari nintzela, modako diseinadore batek sortutako soinekoarekin aurkitu naizenean. Ospea, ospea da. ufffff

ZORIONAK TONTOKALETIK

Musikalegik Nahiaren bidez erakutsi digu euskal musika ez dela hain jainkojalea. Kitzikagarria da ohean izerditan blai egotearekin amestea, bai noski Nahia.

Gose taldeak, ohiko trikitixa musika elektronikoarekin nahasten du; noizik eta behin kitar zorrotzak ere entzun daitezke. Bideo honetan efektu multimedia txukunak ikus daitezke. Hau bai banguardia probokatzailea. Euskal trinityaren aurrean gaude Neo-kideok.

Gaur burutu da kalebeheko festetan ohikoa den krosa. 12:30tan hasi dira ttikienak korrika. Gero 6 urtetik 12 urte bitartekoak izan dira korri egin dutenak. Eta azkenik haundiak atera dira. Eguraldi kaxkarra izan dugu korrikalariak ikusteko, ez bai du atertu.

Datorren urtean krosa betikoa ibilbidetik igaroko omen da, obrak bukatuak izango direlako eta gainera denborak neurtuko omen dira.

Hemendik zorionak Roman eta Peperi antolaketa lanagatik (zenbat urte Roman kontu honekin?) eta zorion goxoenak nire etxeko katajineta ederri izan duten parte hartze bikainagatik.

Gaurkoaren laburpen gisa hemen duzue bideo politt hau. Zuek esan beharko duzue bideoa gustatzen zaizuen ala ez eta ez nik.