tontokaletik

Pozaren pozez hartu dugu txintxarriok berria. Gaur onartu dituzte Gasteizko legebiltzarrean 2008rako erkidego autonomorako aurrekontuak. Eta bertan izan da sorpresa. “Euskadi informazio gizartean” egitasmoko IKTak sustatzeko(informazio eta komunikazio teknologiak) atalean hainbat diru laguntza onartu dituzte landa eremuetan teknologia berriak sustatzeko. Esan beharrik ez, gu landa eremu gisa hartzen gaituztela parlamentari jakintsu hauek.

Asuntoa zera da, Txintxarrisferaren (wikia eta bertan dauden blogak) eredua interesgarria iruditu zaiela beste herrietan IKTak sustatzeko (elbisfera Amezketan, kukusfera Anoetan, pikusfera Legorretan, tipulesfera Altzon, …) . Herrietarako ez ezik Alderdirako (A haundiz) ere batzokisfera gisako sareak ere montatzen hasi behar omen dute, horretarako txintxarrisferako kideoi laguntza eskatuko digutelarik.

Horregatik Txintxarrisfera esperientzia piloto gisa hartuta, bertako blogak diruz laguntzea onartu dute. Blog bakoitzak gutxienez 750€tako diru laguntza jasoko du. Kopuru hau, blogak erabiltzen dituen gadgetaren arabera, irakurleen arabera eta erantzunen arabera igo daitekeelarik (gehienez 2.000€).

Blogek diru laguntzetara aurkezteko baldintza bakarra wikitxintxarrian izena emanda izatea izango omen da. Eta epea 2008ko maiatzaren 7an amaituko omen da. Beraz, garaiz zaudete blog berriak sortu nahi dituzuenok.

Bestalde innobasque berrikuntzaren euskal agentziak 2007ko berrikuntza saria ere eman nahi omen dio Txintxarrisferari teknologia berrietan egin duen ekarpenagatik. Lehen ondorio gisa i2bask programaren barruan Alegia osoa zuntz optikoarekin kbletauko dute 2008ko urtean eta interneterako eta etxe guztien artean lortuko den abiadura Gigabit Ethernet bateko izango omen da. Ikaragarria, abiadura honekin hilea eroriko zait.

Ikusten duzue txintxarrisferako neokideok bete betean asmatu dugula 2007. urtean ea beste hainbeste egiten dugun 2008an. Dios, Gora Euzkadi Jeltzalea kopon!

Zergatik hainbat kotxek Bideberrieta kaleko espaloia okupatzen dute? Kotxezale hauek pentsatuko dute espaloian gainean aparkatuz ez dutela automobilen trafikoa oztopatzen, baina ez dira konturatzen oinezkoen esparrua deusezten dutela; agian zaharkitua dagoen herri eredua dugulako buruan (kotxeak lehentasuna duenarena); ez dugulako oinezkoen herriaren eredua oraindik geure pentsamoldean barneratu. Denok bultzatu behar genuke oinezkoek lehentasuna duten herriaren eredua; kosta egiten da baina ereduak aldatu egiten dira eta egin egin behar dira. Eta denoi kostatzen zaigu, niri ere bai.

Hainbatetan ikusi dut gurasoren bat bere seme-alabaren karroarekin karreteratik pasatzen kotxezaleek beraien kotxeekin espaloia erabat okupatzen dutelako. Zergatik ez dugu kotxea espaloitik bera karretera oztopatuz jartzen eta ez espaloia anulatuz? Utzi kotxeak espaloitik kanpo!

Neokideok, urte bete pasa ostean inork ezin esan txarliren balerditik bloga geldirik egon denik. Inork ezin esan post arrakastatsuak ez direla bertan sortu, gogoratu baserri bat Txinan posta. Inork ezin esan eztabaida sutsuak eta enfrentatuak bertan sortu ez direnik, euskari buruzko posta begiratu besterik ez dago. Ondorioz inork ezin esan hilik dagoen blog bat denik.

Bloga glokalizazioaren adibide garbia da. Globaletik lokalaren mesederako, kasu honetan Bedaiorako, hainbat erraminta erabili ditu, youtube, blogsome, bubbleshare, … eta internet bera ere bai. Eta alderantziz ere bai, lokaletik globalerako norabidea ere hartu du, denok ikusi dugu Bedaiotik sortzen diren berriak ez direla soilik Bedaiotarrentzat denok izan gaitezela hartzaile, Zatto-ren posta adibide garbia. Beraz Balerditik glokala dela ezin uka.

Eta ezin ahantzi, Udalik gabeko herriei buruzko erreibindikazioa. “Herri bat Udal bat” leloa blogan zehar ongi barraiatzen eta nabaritzen den mezua da. Niri egokitzen zait leloaren norabideari jarraituz “Nazio bat Estatu bat” mezua berari eranstea.

Lara Croft edo Trinity kantatzen agertzen diren bideorik aurkitzen ez dudanez, hiretzat ziat Barbie honen bideo makarra. Zorionak Txarli.

Ez zaigu gaizki etorriko ohiko bihurtzen ari diren azken epaiketa “ez-ohiko”ari buruzko pasarte hau.

Hau kuxidadea! Bidegorria berria egin ziguten eta dagoeneko gurdi-bide bat dirudi, dena legar eta harri koxkorrez beteta. Bizikletan ibili ordez mendiko oinetakoekin ibili beharko dugu laster bertatik.

Bada oraindik magian sinisten ez duenik. Bideo honetan ikusiko dunk magia benetakoa dela eta ez dela ilusio kontua soilik. Edo bai? Gorputzak hainbat gordeleku badizkink bestela galde diezaiotela zorioneko zapi gorriari.

Bai; halaxe da Uxue! Madagaskarreraino edo zeruraino. Bietatik zein ote dago urrutiago? auskalo. Txintxarrisferatik kanpo egon garen honetan, ikusten duzu Uxue txintxarrisferako neokideak ez direla geldirik egon.

Bedaio ingurutik eztabaida interesgarriak iritsi zaizkigu; pentsamendu bakarraren garai hauetan poza ematen du iritzi desberdinak ikustea. Eta are gehiago, neokideon espresatzeko beharra somatzea.

UniBERTSOtik Abenduaren 16an Ilunbera joateko proposamena ere iritsi zaigu. Autobusa ez galtzeko deia zablatzen digute. Ea autobusa galdu ez ezik G puntua aurkitzeko gai garen ere. (G)lokalizaio puntua ote G puntua? Globaletik lokalera eto lokaletik globalera bai horixe. Hau da bidea. Izan gaitezen glokalak neokiedok.

Gorputzaren eta nahaiaren nagiak astintzeko abesti makarrak ezinbestekoak suertatzen zaizkigula batzuoi ere azaldu zaigu. Eta kulero zikinak zintzilikatzeko ilargiaren muturra leku paregabea dela eta marrubizko muxuen gisa barrikadak ere fruitu xamurrarekin pareka daitezkeela.

Eta Uxue, paretarik gabeko eskolak eraikitzen ari diren une honetan, presentzialtasuna (denboran eta espazioan) nola ez den derrigorrezkoa bihurtzen nabaritu dugu. Bota dezagun behera denboraren eta espazioaren tirania.

Neokide berriak ikusi ditugu; batzuk blogariak (laster zurekin izango naiz ol) eta besteak, egunetik egunera ugariagoak direnak, iruzkin egileak. Kanpokoak eta bertakoak. Alegiak myminicity bat ere badu. Zer ote da mini-city bat Uxue?

Garenak gara eta duguna dugu.