Zahagiardoa I
Asteazkena, 2007 Uztaila 18
Munduak badu Alegiari zer eskerturik. Zahagiardoa izango da Alegiak Planetaren historiari (historiari baino gizakioi esatea zuzenagoa litzateke) egin dion ekarpen esanguratsuenetarikoa eta singularrenetarikoa.
Eta zer da, Txintxarriok hain maitea eta sustraitua dugun zahagiardo hau?
Taldean afaltzeko modu bat da. Afaria zutik egiten da leku ireki batean (herriko plazan adibidez). Bakoitzak (familiak, lagun taldeak, bikoteak, hirukoteak, bakarkakoak, …) bere jana eraman behar du (bokatak, kaxuelak, gazta,…). Etxean egina edota denda-taberna-jatetxe batean erosita. Eta edaria, ardoa noski, eta azpiegitura (mahaiak: astoak eta oholak) zahagiardoa antolatzen duenak jarrri behar ditu. Ardoa suelto eta doan denontzat. Zahagiardoa hasteko ordua inoiz ez dut ikusi idatzita; beti “ondoren zahagiardoa” bezelako formulak erabiltzen dira. Baino, idatzi gabeko lege bat balitz bezala 21:00etan denak txintxo-txintxo zahagiardoa martxan jartzen dugu. Beti 21:00etan.
zabaldu |
del.icio.us |
Bildu |
harpidetu |
