tontokaletik

Pasa den igandean ospatutako udal hauteskundeen emaitzaren arabera EAE-ANVko Aitor Sarasola izango da herriko alkate berria. Emaitzen arabera EAE-ANVk 499 bozka jaso ditu (%63,32a) eta 8 zinegotzi: Aitor Sarasola, Maider jauregi, Hektor Colinas, Eider Zubillaga, Patxi Renobales, Joxe Manuel Oiartzabal, Joxe manuel Garaialde eta Jose Luis Beain. Eta PSOEk 67 bozka (%8,50a) eta lehen aldiz zinegotzi bat lortu du: Ana Isabel Germán Castaño. Kanpotarra bera, auskalo nongoa; gure herriaren diztirak liluratuta erakarria izan dena. Zerrendetako profesional bat, 1.999ko udal hauteskundeetan Hernanin PSOEren zerrendan 12.a aurkeztu zena.Tontokaletik blogan izango duzu Anaixabel (barkatu konfiantza) herria ezagutzeko aukera paregabea.

Lehen lan gisa, Anaixabel, irudian agertzen den herriko komonean (en el WC Anaixabel) herritarrontzat txartel izendatzaile bat eta komoneko papera jartzen has zaitezke, mesedez. Komoneko ixipu (escobilla de WC,  Anaixabel) bat jartzea ere eskertuko nizuke. Aurreko Udalak, komona erabat utzita zuen eta.

Muchachito taldearen “ojala no te hubiera conocido nunca”

Gaur iritsi zait PPk, Alegiako Udal hauteskundetarako aurkeztu nahi duen hautagai zerrenda. Hemen ere ezin txintxarririk aurkitu. Hauek gainera herrirako ez dute programarik aurkezten ere. Zein izango ote da beraien benetako helburua, herriko hautagairik gabe eta programarik gabe; gure bihotzak konkistatzea? Beraien arbasoen antzera jokatu nahi ote dute? Brontxillo harategiaren gainean dagoen etxebizitzan idatzirik dagoen “Reinare en España” leloak animatu ote dituzte?
Atzo, “diario vasco”-k herriko kronikan, herrian aurkeztuko ahal izango duten hiru alderdien berri ematen zigun. Zein naturaltasunarekin aurkezten zizkiguten, bakoitzaren programak eta hautagi zerrendak. Hori bai, aipamenik ere ez bi alderdietako hautagaiak (PP, PSOE) ez direla herrikoak eta herrirako ez dutela programarik. Ahaztu egin ote zitzaien? garrantzirik gabeko informazioa ote da?
Hoien ikuspegia eta nerea ez datoz bat.

Gaur jaso dut PSE-EE/PSOE alderdiaren 2007ko udal hauteskundeetako hautagai-zerrenda eta baita ere alderdi horren Alegiarako "eginiko" triptikoa. Triptikoan, alkategaiaren argazkirik ez dut ikusi; agian Alegiakoa ez delako eta andere honek herria ez duelako ezagutu ere egiten. Zerrendako beste partaideak bezala.

Eta nik galdetzen dut:

nola pentsatzen dute herria gobernatzea ez badakite tontokalea non dagoen ere?

nola etiketatuko dute Alegia tagzanian xaxti ez badakite non dagoen ere?

noiz antolatuko dizkigute zahagiardoak? urriaren 12an?

nola sustatuko dute herriko mondejugileen lana, mondejue zer den ez badakite ere edota mondeju zopak nazka ematen badiete?

Intxurrerako bidea GoogleEarth-en bilatuko ote dute?

Second life-n Udaletxe berri bat eraiki eta bertatik gobernatu nahi ote gaituzte?

Txintxarriok "cencerros" bilakatu nahi ote gaituzte?

"Euskadi eraiki nahi dugu Udaletatik" diote. Horrela bada, ni Second life-era noa. aio

Txintxarriok badugu lan berri bat: Alegia tagzanian etiketatzea, oraindik ez baitago ezer etiketaturik. Zer etiketatu dezakegun? baserriak, eraikinak, mendi tontorrak, … ibilbideak ere markatu daitezke. Adibide bat ikusteko jo ezazue Donostiara eta ikusi bertan markatutako leku desberdinak eta toki horiek markatzeko erabili diren etiketak. Etiketatze lana egiteko tagzaniara sartu, erabiltzaile berri gisa erregistratu eta lekuak markatzen hastea besterik ez da. GoogleEarth eta GoogleMaps aplikazioek ere etiketatze sistema erabiltzen dute.

Eduardo Arrayet-en argazkiak erabiliz egindako windows-erako pantaila babeslea prest duzu jaitsi nahi baduzu. Langaurreri buruz da.

Ez fiskaltzak ez eta estatuko abokatutzak, ez dute Alegiako EAE/ANV zerrendaren aurka egin. Badirudi datozen udal hauteskundetara aurkezteko aukera izango dutela. Beraz, Alegiarrok hiru (Alegiako Abertzale Sozialistak zerrenda inpugnatuta dagoenez) aukera izango ditugu bozkatzeko EAE, PP eta PSOE.

PD: zahartzen ari ote naizen susmoa dut, azken bi zerrendatako partaiderik ez dut ezagutzen. Herriko jendea ez ezagutzea ere marka da. Adinak, ez du kupidarik.