tontokaletik

"Bonbona maitea" postari bidalitako erantzuna irakurri ostean honakoa proposatu nahi dizuet Alegiarroi:

1. Ondoko testua kopiatu eta repsol-i bidaltzea bere webgunean duen formularioa betez (emailez zuzenean ezin da ez bait dute emailaren helbiderik jartzen):

"Alegiar (Gipuzkoa) bezala, herria gasifikatzeko Eusko Jaurlaritzak zuei emandako kontzesioa errespetatzea exijitzen dizuet; eta beraz falta zaizuen herri zatiaren gasifikazioa aitzakirik gabe hastea"

Formulario horretan ondoko kategoria hartu "Repsol YPF-ren produktuak eta zerbitzuak" eta azpikategoria gisa "Kanalizatutako propanoa". Norberaren datuak atalean benetako datuak sartu, helbide eta guzti. Ea emailera erantzunik ematen diguten.

2. formularioa betetzean post honen erantzunean adierazi kexa bidali duzula eta erantzuna jasotzean (jaso ezkero) erantzunetan ere idatzi. Eta erantzun bat jaso arte astero mezu berbera bidaltzen jarraitu.

3. Beste hainbeste egitea Eusko Jaurlaritzarekin honako testua bidaliz bere webgunean duen formularioa betez:

"Alegiar (Gipuzkoa) bezala, herria gasifikatzeko Repsoli zuek emandako kontzesioa bete eraztea eskatzen dizuet, eta Repsoli falta zaion herri zatiaren gasifikazioa aitzakirik gabe hasi eraztea. Eta Repsol-ek bere lana egingo ez balu, kontzesioa beste enpresa bati ematea eskatzen dizuet"

Oharra: Nik dagoeneko lehen eskaera/kexak bidali ditut. Erantzunaren zain geratzen naiz.

-Ba al dakin zer esan didan Martinek? “Herria hilda omen zegonela”. Nik esan zionat ea zergatik esaten dinan hori, zertan oinarritzen den hori esateko. Berak, kalean ez omen dela inor ibiltzen esan zianan. Galdetu zionat ea ez al duen jenderik ikusten erosketak egiterakoan eta zer esango zianan eta astero Carrefour-era joaten dela erosketak egitera.
-Hori dun hori!
-Etzekinat nola nahi dinan horrek herria pixtea; kanpoan erosketak eginaz?
-Ez din pentsatuko ba, kanpoko norbait etorriko denela herriari bizi poxa ematera.
-Egia esatea nahi baldin badun, ez dinat inoiz ikusi larunbat arratsalde batean herriko taberna batean baxoerdi bat ere hartzen.
-Carrefour-eko garagardoak etxean hartuko dizkin eta. kar, kar, kar, …
-kar, kar, kar, …

Zubian tuboak pasatzen hasi direla eta bazirudin, obra aprobetxatuz, gasarena ere pasatzeko aukera paregabea zegoela. Ba keba! Oraingoz ez dirudi horrela izango denik.

Hainbeste goxotasun ematen digun bonbona gorrotatuekin jarraitu beharko dugu. Azken finean ez dira hain itxusiak landarerik balkoietan ez ditugunontzat!